India hmarchhaka hmun hrang hrangah chu vawiin leh naktuk hian ram tam tak a sur dawn.
India Meteorological Department (IMD) chuan Bay of Bengal a\anga hnawng, south-westerly wind kal zel chuan khaw awm dan tidanglamin hmarchhakah hian ruah a sur nual dawn niin a sawi.
Weather.Com pawhin ni nga lo awm leh tur chhungin hmarchhakah ruah a sur nasa dawn niin a sawi bawk.
Nimin a\anga Pathianni thleng Arunachal Pradesh-ah ruah tam tak a sur dawn niin an sawi lawk a. Assam leh Meghalaya-ah pawh Zirtawpni a\anga Thawh\anni thleng surin Nagaland, Manipur, Mizoram leh Tripura-ah pawh vawiin leh naktukah sur turin an ngai.
India hmarchhakah hian kar tir a\ang khan hmun hrang hrangah ruah a sur \an tawh hlawm sa bawk.
Ningani leh nimin chhun inkar bikah pawh khan Arunachal Pradesh bakah Assam, Meghalaya, Nagaland, Manipur, Mizoram leh Tripura hmun \henkhatah ruah a sur.