Sorkar duh loh thil chi hrang hrang, ruihhlo leh ran rual tawlhnaa inhnamhnawih \hin mi pathum chu police-ten Assam-a Nalbari district-ah an man.
“Heng thil sual tihnaa a laipui ber, Abu Bakkar Siddiqui pawh man zingah hian a tel a, ani hi ran tawlh, ruihhlova sumdawnna leh sualna dang dangah a inhnamhnawih a ni,” tiin Assam Police DG Bhaskar Jyoti Mahanta chuan a sawi.
Mi sualte hi nimin khan Nalbari leh Ghagrapar Police Station-a thawkten an man a, an chet dan hi ‘thana-level operation’ tiin an sawi.
Assam DGP Mahanta chuan he thila an hlawhtlinna chu ‘thil tidanglamtu’ tiin a sawi bawk.
“Vawiina Nalbari-a Nalbari leh Ghagrapar thana-a miten mi an lambunna hi hlawhtlinna sang tak a ni a, thil tidanglamtu a ni. Hetianga ka tih chhan chu OC leh Thana-a mite hi anmahni remhriat angin, senior leh hotu lian zawkte inhnamhnawihna tel miah lova che tura ka tih vang a ni,” tiin Assam DGP Mahanta chuan a sawi.
“Anmahniin beihpui thlak dan an ruahman a, an hlawhtling a. An chetna hi ran ru \hin, ruihhlova sumdawng leh sualna danga inhnamhnawihte laka hlawhtlinna a ni,” a ti.
Heng mite an man hma hian an inkap hmasa a, police team hian pathum an man thei ta a ni.