Jammu & Kashmir-a Srinagar khawpuiah Thawh\anni khan mi firfiak chetnaah sipai a thi a, mi dang pakhatin hliam a tuar bawk a. He thil thlen hma lawk hian Pulwama-ah state pawn mi pahnih hnathawka awmte kah an ni bawk.
Sipai hliam tuar hi SMHS Hospital-ah enkawl zui nghal a ni.
Mi firfiakte hian venhim hnathawktuten check point an siam an bei a. An duhtawka an kah hnuah an tlachhe zui nghal.
A hmunhma hi mi dang tlawh theih lohva danchah nghal a ni a, a titute zawn hna hi thawh zui nghal a nih thu thuneitute chuan an sawi.
Thawh\anni vek khan Bihar a\anga hnathawka lut pahnih chu Pulwama district-a mi firfiakten an kap hliam bawk a. Pathianni pawh khan state pawn mi beih an lo ni tawh bawk.
Pathianni zan khan ramri kâna India-a luh ruk tum mi firfiak pakhat chu sipaite nangchingin Rajouri district-a Line of Control (LoC) hrulah an that.
Nowshera-a mi che an hmuh chu sipaite hian hnaihin che zui lo tura an tih chu a kah zui avangin an kap let ve a, an kap hlum ta niin thuneitute chuan an sawi.