Oscar award neih zawh taka kut inthlakna hlenchhuaktu Will Smith chuan kum 10 chhung hremna chu lungsi takin a pawm.
Academy of Motion Pictures Arts & Sciences thukhawmim a chunga hremna an lekkawhnaah hian Smith hi nomination a nihna turah an dal dawn lova, award te pawh a dawng thei ang. Amaherawhchu, hemi kum 10 chhung hian a hmuna tel leh awm ve a theih dawn loh thung.
Smith chuan, “Academy thutlukna ka pawm e’ tiin a sawi a, member 54-awmna Board of Governor te chuan thuchhuah siamin, ’94th Ocars ah khan mimal emaw community ang pawha kum hmasa lama kan thawhrah duhawm tak takte thlirletna leh chawimawina nei a ni a. Chutih laiin, stage-a Smith-a chet dan khan hun duhawm tak tak te kha a mawi lo zawngin a hliah khuh vek a, pawm theih a ni lova, a chet dan hlahawm tak khan a timawi lo vek a ni,’ an ti.
Tarlan tawh angin, Los Angeles, California-a 94th Academy Awards , ‘22 (Oscar) sem zawh takah khan Will Smith-a’n Host Chris Rock na taka a beng chuan sawizui a hlawh a, award dawng te aiin mite’n an ngaihven zawk.
Dawhsan atanga a nupui lu kawlh chu fiamthu ti tak deuha a kah vanga lungawi lo chuan a thutna atanga tho chhuakin a han beng ta a ni. Will Smith-a nupui Jada Parinketh Smith hian sam lama harsatna lian tak, Alopecia an tih mai vangin a sam a tla fai vek. A nupui thlavang hauhin tharum a thawh ta mai a ni.