Lengpui Airport tihchangtlun hna (contract) inpek chungchangah dan bawhchhiatna awm ngei nia ngaiin Mizoram First pawl chuan a mawhphurtu-ah Chief Minister Zoramthanga chu puhin, thubuai siamsak turin Mizoram Lokayukta-ah a thlen.
PWD dept changtu, Chief Minister Zoramthanga hi thuneihna hman khaw loh vang te, chhungkhat laina duhsak uchuak avang te, India Danpui Article 14 bawhchhiat avang te, General Financial Rules (GFR) 2017-a Rule 162-na leh Vigilance Commission thuchhuah hrang hrangte bawhchhiat avangin Prevention of Corruption Act, 1988 hnuaiah thubuai siamsak ngei turin Mizoram First hian Mizoram Lokayukta-ah hian a thlen.
Mizoram First chuan Lengpui Airport tihchangtlunna hna chu M/s Zoramchhana leh M/s KR Construction (a neitu Kamlova Chhangte/Kamrul Islam Laskar) te hnenah pek a nih thu an sawi a. Restricted tender chhang turin mi pathum aia tam an awm ngei tura danin a phut laiin, he restricted tender chhang tur hian mi pathum chauh koh/sawm an ni chu restricted hman phal/phal lohna dante palzut a nih thu an sawi.
Hei bakah hian, General Financial Rules 2017 leh The Mizoram Public Procurement Rules, 2020-in a sawi dan chuan Rs. nuai 25 chin chung lama restricted tender ko tur chuan chhan mumal tak awm tur a ni tih an sawi.
PWD-in Lengpui Airport tihchangtlunna hna hi mi nazawng thawh theih loh, hmanraw bik ngai (specialised equipment) leh thawh zawh thuai ngai a nih avanga restricted tender hmang angin insawifiah mah se, Lengpui Airport-ah hian ni khatah thlawhna pathum bak a \um ngai loh thu leh passenger 700-900 vel chauhin an hman tlangpui bawk avangin chei \hat hi a hmanhmawhthlak em emna tur a awma an hriat loh thu an sawi.
Hei bakah hian contractor thlan takte hian hmanrua emaw, khawl bik (specialised machinery or equipment) emaw an nei tih chianna engmah hmuh tur a awm lo a. Hei hi an hnathawh lai, an zawh hma hmaa a chim a\ang pawhin a chiang hle tih sawiin, “|ul lo taka restricted tender hman a nih avangin Mizoram sorkar chuan tute emaw duhsak vangin contractor tam tak chu India Danpui Article 14-in intluktlanna chanvo a pek thaibosakin a thlei hrang a ni,” an ti.
Hengte hian Lengpui Airport tihchangtlunna hnaah dan bawhchhiatna leh induhsakna uchuak a awm ngei tih a tilang tih sawiin Mizoram First chuan a mawhphurtu ber, Chief Minister chu chhui ngei turin Mizoram Lokayukta a ngen tih an sawi bawk.
Mizoram First chuan dan bawhchhiatna leh, dan palzama mi hmai eng pawh zah loa induhsakna uchuak (nepotism) hi Mizoram leh hnam zahlohna anih avangin a dodal tih an sawi a. Hetiang thiltih hi Mizo hnam tan thil zahthlak leh tlawmthlak tak a nih avangin Mizote zahawmna humhima, dan rorelna tungding leh turin leh, dan palzamna leh corruption do turin Zofate zawng zawng a sawm nghal bawk.
Mizoram First-in
engnge an sawi?
1M/s Zoramchhana leh M/s KR Construction te hian restricted tender hmangin uchuak taka duhsakna an dawng mawlh mawlh a ni tih tun hnai Legislative Assembly zawhna leh chhannaah chiang takin a rawn lang.
2M/s KR Construction hi hna chi hrang hrang pasarih lai, cheng vaibelchhe 41 hu dawn (40,92,95,776.04) hna pek a ni a; hemi let thuak, cheng vaibelchhe 75 chuang (75,76,02,268) hu chu M/s Zoramchhana hnenah hna chi hrang hrang panga pek a ni bawk.
3M/s KR Construction pawh September 20, 2021-ah work order pek chauh an nih laiin April 21, 2021 khan hna an lo \an daih tawh.
4Restricted tender hmanga hna hmu tam zawk, M/s Zoramchhana neitu hi heng hna zawng zawng pek chungchanga thuneitu sang ber, Chief Minister Zoramthanga u, Lalzuala (L) fapa a ni.