United People’s Revolutionary Front (UPRF) commander-in-chief-a inchhal chu Inrinni leh Pathianni zana an pawl chhunga buaina chhuakah Assam chhim lam, Karbi Anglong district-ah a pawlten an kap hlum a. UPRF hi hruaitu nei lovin an awm mek.
Thing tawlh ruk kawngah a inhnamhnawih nasa, Veerappan-a ang maia a hming lema Assam Veerappan tia an sawi mai, Mangin Khalhau-a hi an pawlah hian member hlun ber a ni tawh.
Tun hnai kum khat chhungin police-in an hruaitu eng emaw zat an kap hlum a, police hnenah an inpe an awm \euh bawk.
Pathianni zing khan police-ten Mangin-a ruang hi an chhar a, a taksaah silaimu eng emaw zat a lut tih hmuh a ni a. An pawl chhunga mite kah a nih police-te hian an ring tih an puang.
A ruang hi Bokajan damdawi in a\angin Diphu-ah postmortem autopsy nei turin an thawn.
UPRF-a tel sipaite hi Assam chhim tlangdunga Kuki hnam an ni tlangpui a. Myanmar kaltlangin China a\angin ralthuam an la lut tlangpui a, hei vang hian Singhasan tlangdungah an hrang hle.
Nikum October thla khan police-te nena an inhmachhawn tumin an commander-in-chief Martin Guite chu kah hlum a ni a, hemi hnu hian he pawl hi police hnena inhlan mai an lo tum tawh \hin.
Khatih hun laia Assam chief minister, Sarbananda Sonowal-a hnenah UPRF-te hian remna leh muanna a awm theih nan intiamkamna lehkha an thawn a, thla hnih chhung anmahni lam a\angin inkahhkai an puan nghal bakah an sipai 40 a\anga 50 inkar hming leh nihna an thawn tel.
Nikum December thla khan ULFA-I deputy commander-in-chief Drishti Rajkhowa chu a ralthuam nen police hnenah a inpe a. Ani rual hian UPRF mi 32 leh pawl danga mi 31 an inpe ve nghal bawk.