aIZAWL: MZP Hqrs., Lunglei chuan Lunglei district MCS officer siksawi zingah David Lalrinawma a kaisan avangin a aiawh dah ni loa sawn chhuah a ni chu pawi an tih thu sawiin, April 26, 2022 thleng sorkar ngaihchan a, MCS officer sawn chhuah aiawh dah a nih loh chuan a \ul anga hma an lak tur thu thuchhuah an siam.
An thuchhuahah, nikum lam a\anga MCS officer dah belh a nih theihnan theihtawp chhuaha hmalak a nih laiin, dah belh ni loa sawn chhuah a ni hi hriatthiam harsa an tih thu an tar lang a. Lunglei district-a MCS post 20 awm turah, tun dinhmunah MCS pakua chiah an awm mekin, DCSO, BDO, Election Officer, Settlement Officer, SDC leh SDO Sadar te officer pakhat in he’ng post bik hi an kawp mek hlawm niin an tar lang.
“Officer post pawimawh tak tak te hi officer pakhatin a kawp avangin zirlaite leh Lunglei district mipui te’n kan tuar nasa em em a. Officer an dawr duhna hmunah officer te an awm \hin loh avangin hna a sawt lo a, office dawrtu mipuite harsatna nasa tak a thlen a ni,” an ti.
MZP Hqrs. Lunglei chuan, Lunglei hi Mizorama khawpui ber dawttu (Second Capital) a nih angin leh mihring cheng pawh sing sarih chuang an nih thu te, tun din hmunah Additional DC post pahnih awm turah post pakhat chiah hnawh khah niin, SDC post pathum awm turah pakhat chauh a awm mek a. ASO post pahnih awm turah officer tumah an awm lo niin an tar lang bawk.