Italian defender Giorgio Chiellini chuan kum 17 chhung hun a lo hman tawhna Juventus-ah kum khat dang contract la nei mahse a hma hun ngaihtuah zui tur tam tak a awm niin a sawi.
Kum 37 mi ni tawh Chiellini hian Juve-ah season thar zawh thleng khel turin inremna la nei mahse a hmang zo kher lo thei a. Major League Soccer lam nen sawizawm a nih avangin chona thar hmachhawn a ram dang pan mai chu a tan duhthlan tur awm thei zingah a tel.
Chiellini hian a hma hun chungchang zawhna chhangin, “Tunah hian ka hlim a, nuam ti taka inkhelh bak ka rilruah a awm lo. Thil tam tak erawh ngaihtuah tur a awm tih erawh ka hria. Tunah chuan kan hma a inkhelh hmabak awm te chauh hi ka ngaihtuah rih.” tiin a sawi.
Euro 2020 a Italy tana champion kawnga player pawimawh Chiellini hian kum 2004 khan AS Roma a\angin Bianconeri hi a zawm a, mahse Turin-ah inkhel nghal mai lovin Fiorentina-ah co-ownership in a kal a. Kum khat hnuah Juve ah kirin an player pawimawh a ni nghal.
Juventus tan kum 17 chhungin vawi 554 a inkhel tawh a, kum 2018 a Gianluigi Buffon a chhuah hnuah captain mawhphurhna a la.
A inkhelh chhungin trophy 19 a chawi tawh a, Champions League final vawi hnih khel tawhin Italy tan vawi 116 a khel tawh bawk.