Aizawl: Mizoram State Healthcare chungchangah Health & Family Welfare Board Vice Chairman DR ZR Thiamsanga, MLA chu thu dik lo sawiah Congress party-in puh.
Nimina an thuchhuahah MPCC chuan April 8, 2022-a Mizo Hnam Rûn-a thu a sawiah Dr ZR Thiamsanga hian Mizoram State Healthcare Scheme (MSHCS) hi MNF bul \an anga a sawi chu an hnial loh thu an sawi a. Anamerawhchu, kalphung fel fai zawka siam \hatu leh a taka kalpuitu chu Congress sorkar a nih thu an sawi.
Dr ZR Thiamsanga’n, ‘MSHCS bul \an nan a tirah sum bawmpui (corpus fund) siam a ni a, cheng vbc. 50 dah nghal a ni,’ tia a sawi erawh, RTI zawhna chhanna a\angin thu dik lo a ni tih chiang taka a lan thu Congress party-in a sawi a. ‘MSHCS Corpus Fund hi ADB Project Mizoram Public Resource Management hnuaia Health Sector Improvement peng pakhat a ni a, hetah hian Health Corpus Fund atan Rs. 117.80 crore dah a ni,’ tiin finance department-in RTI zawhna a chhang niin an sawi.
“Corpus Fund dah kum pawh Congress sorkar hnu, kum 2010-ah a ni. Dr. ZR Thiamsanga sawi cheng vbch. 50 hi chu Corpus Fund ni loin, MNF vice president a\anga an paih thlak tak, R. Tlanghmingthanga fate hminga an thawhna, Bajaj Allianz-a an dah pun zawk kha a ni. Dr. ZR Thiamsanga’n he thil a sawi sual kher chhan hi hriatthiam a har hle,” an ti.
Congress party chuan, ‘Kum pangngai nise healthcare bill ba kan nei lo ang. Covid-19 vangin harsatna kan tawk’ tia Dr ZR Thiamsanga’n a sawi chungchangah thu dik lo hmanga mipui hruai sual tumna a nih thu an sawi a. Hri len laia buai chhung zawng pawh khan Corpus Fund pung, cheng vbch. 4 hi finance department-in quarter tin a pe chhuak zat zat reng a, Covid-19 hri len hma pawha a pek zat tho avangin healthcare fund buaina hi Covid-19 nen a inkaihhnawih loh thu leh hri leng vangin healthcare sum hmuh a tlakhniam loh thu an sawi bawk.