Aizawl: ZPM Legislature Party Leader Lalduhoma’n Lengpui Airport chei \hat hnathawktu, Kamrul Islam Laskar-a’n Mizoram hmun hrang hranga hna a thawh an hriat chin Rs. 1,16,43,96,000 man a nih thu a sawi.
Lalduhoma chuan sum tam tak senga airport chei \hat hnathawh chu a chhe hle nia sawiin, a hmuna enchianin hna kalphung hrim hrim a chhia tih a hriat niin a sawi a. Nimin khan ZPM Legislature Party-in airport chei \hat hnathawh mek chu an enfiah tih sawiin, cement char tawhte pawh kut lawnga hmeh sawm mai mai theih a nih thu leh a chim bak pawh thiah leh ngai khawpa a awm thu a sawi bawk.
Airport chei \hat hnathawktu, Kamrul Islam Laskar chu chief minister-in a duhsak hle nia sawiin airport bikah ringawt pawh February 8, 2021-ah RCC Box Culvert Rs. 94,46,600 man; April 21, 2021 a\angin Upgradation of operational & non-operational facilities Rs. 19,59,00,000 mante chu tender leh work order awm lova thla nga a thawh hnuah September 20, 2021-ah notice to proceed (hnathawh chhunzawm zel tura hriattirna) ziaka pek a nih thu a sawi a. “Hei hi work order ni lovin, ‘I hna lo chhunzawm zel rawh’ tihna mai a ni,” Lalduhoma chuan a ti.
September 20, 2021 ah Kamrul-a chuan hna pathum a rualin a hmu leh nia sawiin, Lalduhoma chuan – (1). Internal electrification, Rs. 2,59,81,057; (2). Centralised AC Rs. 4,14,46,271 leh (3). Aviation complex atanga airport panna Rs. 91,71,000 man te an nih thu a sawi a. Airport cheithat hna dang chu Zoramchhana’n a thawh thu leh ani hian Rs. 30,36,74,000 chuang man a thawh thu a sawi.
Airport bakah hmun dang engemawzatah Kamrul-a chuan hna a nei nia sawiin, Lalduhoma chuan Kamrul-a hnathawh an hriat chin pawh Rs. 1,16,43,96,000 (nuai singkhat sangkhat zaruk sawmli pathum singkua sangruk) man a nih thu a sawi a. Heng hna-ah te hian Kamrul-a chuan a hming a tum mai nia a lan thu leh a phenah a contractor tak tak, a hna neitu tak tak chu a awm nia an rin ngheh tlat thu a sawi bawk.