Los Angeles Lakers chuan an beisei ang ni lova season an hman avangin kum 2020 a champion puitu coach Frank Vogel chu an ban.
Vogel hian season tharah pawh team hi enkawl turin contract a la nei a, mahse season tir a huhang lian tak nei chunga beisei an phak loh avangin an coach hi an ban.
Tun season hnih chhungin Lakers roster hi vice president of basketball operations and general manager Rob Pelinka hovin an remkhawm dan in sawisel a hlawh a. Star player LeBron James chu a lang lo lamah a inrawlh thuk a, a \hian hnaite zel lalut tura a nawr \hin avangin mawh a phur niin mi tam takin an ngai.
Lakers hian team upa tak neiin player hming lar leh contract lian tak nei Russell Westbrook chuan sawisel a hlawh \hin bawk.
Star player dang Anthony Davis inhliam ngun tak an tuar bawk a.Vogel a enkawl team hi tun season-ah vawi 33 chakin vawi 49 an tlawm a. Vogel-a’n kum thum a enkawl chhungin a belhkhawmin vawi 127 chak an nei a, vawi 98 an tlawm thung.