Aizawl : Vawiin leh naktuka Delhi-a neih tur Tourism & Culture Ministers Conference-ah Mizoram Tourism Minister Robert Romawia Royte leh official dang te an tel dawn.
Tourism & Culture Ministers Conference hi Union Home Minister Amit Shah-a’n a telpui dawn a, Union Tourism, DoNER & Culture Minister GK Reddy, Union Minister of State for Tourism Ajay Bhatt leh Union Minister of State for Culture Arjun Ram Meghawl bakah Union Minister of State for External Affairs & Culture Meenakshi Lekhi te pawh an tel ang.
He khawmpuiah hian India ram zalenna kum 75-na denchhena Tourism leh Culture lama hmalaknate an sawiho dawn a ni.
He hun hmang tura kal Tourism Minister Robert Romawia chuan nimin khan Union Tourism Minister chu Chite Convention Centre sa tan tura an inpeih thu hrilhin, Mizoram Chief minster nena a lungphum phum turin a sawm a, PRASAD sum release thuai turin a ngen nghal bawk.
Sports Minister ni bawk Robert Romawia chuan Union Sports secretary Sujata Chaturvedi leh SAI Director General Sandeep Pradhan te pawh hmuin, Mizoram tana project hmachhawp Ministry kuta awm mekte a sawipui a, tih fel thuai an tum thu Minister an lo hrilh niin sorkar thuchhuah chuan a tarlang a ni.