Aizawl: ZPM Party Working President K Sapdanga’n nimin khan ZPM Siaha district Hqrs., office-ah Mara Autonomous District Council (MADC) inthlan lo awm tura an party manifesto a tlangzarh.
MADC inthlan atana ZPM party manifesto-ah hian MDC LADS fund hman dan ruahmantu Local Development Committee din a nih tur thu leh fund zawng zawng za-a mipui tana hman vek a nih tur thu a chuang a. MDC zawng zawngte thla tin vawi khat aia tlem lo bial fan chhuah te, zirlaite tan competitive exam inbuatsaihna tlaka council library tihchangtlun te, MADC hnuaia youth commission din te leh education system siam \ha tura hmalakte pawh a tel.
Truck terminal siamte, MADC hnuaia sorkar office furniture te ram leilung fate siam chauh hmante, Agricultural product tipung tura hmalakte, Palâ Dil leh Beino lui khualzinte hip tur leh tlawh chakawma siam te, MADC inrelbawlna fel zawk a awm theih nan administrative reform commission din te, MADC hnuaia department te a nih dan tur ang taka kalpuite leh The Schedule Tribes Order 1950 (Mizoram ST List No.8)-a Mara hnam ‘Lakher’ tia la inziak ‘Mara’ tia thlak tura hmalakte pawh a tel.
ZPM party manifesto tlangzarhtu ZPM working president chuan an beisei phak bakin Siaha district-ah ZPM-in hma an sawn niin a sawi a. Tun hnaia Mizoram chhim lama ZPM hmasawn dan enin MADC inthlanah pawh Pathian leh mipui zarah hnehna an chan ngei an beisei thu a sawi bawk.