Storm Megi-in a nuai Philippines-ah mi 25 vel thi

Tropical Storm Megi-in a nuai avanga Philippines-a lei min leh tui nasa taka lian avangin hriat theih chinah mi 25 vel an thi tawh.
Thawhlehni pawh khan chhanchhuah hna thawktute chu an ram khawchhak leh chhim lam tuipui kama mi tangkhangte chhan chhuah tumin an la bei nasa hle.
Megi hi tual chhungah chuan Agaton tiin an sawi a, thliarkar awm khawm ram hi Pathianni khan nuaiin thlipui pawh darkar khata km 65 vel thlenga chak a keng.
Kumin chhunga storm an tawrhg hmasa ber niin Philippines hian kum tin 20 vel an tawng ziah ang a ni.
Storm hian khawchhak lam vaukam a hrut nat avangin mi 13,000 chuang chu hmun sang lamah an insaseng a. Khaw eng emaw zatah ruah tam tak leh thli chak takin power supply a tibuai a, tui leh lei minin lo leh chenna in tam tak a chim/chhilh bawk.
Thuneitute leh tual chhung miten thlalak an thehdarhah chuan chhanchhuah hna thawktute hi chirh diak tak karah an thawk chhuak a, hmun kilkhawr zawka tuiin an chenna a chim chhan chhuah nan lawngin lui luang chak takah an inkar bawk.
A tuar na ber zinga pakhat, Leyte province-ah chuan Baybay khawpuiah lei minin a chhilh ruang 22 lak chhuah tawh a nih thu tual chhung thuneitute chuan Thawh\anni khan an sawi.
“Mi a chhilh tih ka hriat avangin ka \ap a, kan in hnung maiah tlang a awm bawk si avangin ka hlau tak zet a ni,” tiin Leyte-a cheng pakhat chuan news agency AFP a hrilh.
National disaster agency chuan chhim lama Davao region-ah pawh mi pathum an thi tih an puang.
Storm hi Thawhlehni a\ang khan a ziaawm tawh thung.
December thla khan Super Typhoon Rai-in an ram chhimchhak lam thliarkar na taka nuaiin mi 375 vel an thi a, mi 5,00,000 chuang an buai phah hle.
Rai hi nikum chhunga Philippines-in a tawrh nat ber niin mi thiamte chuan storm leh typhoon-te hi a chakin a rang tawlh tawlh niin an sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427