European football thuneitu UEFA chuan kar hmasa a Europa Conference League a Bodo/Glimt leh AS Roma an inkhelh \umin Bodo/Glimt manager Kjetil Knutsen leh Roma goalkeeping coach Nuno Santos te chu inkhel zawh hnua an intihbuai avangin an hrem.
Quarter-final first leg-ah hian 2-1 in Norwegian club hian hnehna an chang a. Inkhel zawh lama thil thleng hian ngaihven hlawhin Knutsen leh Santos te hi khelmual an chhuahsan tawh hnuah an intibuai zui.
Roma captain Lorenzo Pellegrini chuan hemi chungchangah hian Knutsen zawk hian Santos hi a tibuai hmasa niin a sawi a, hetihlai hian Bodo/Glimt in police lamah Santos zawk hi buaina tichhuaktu a nih thu an sawi ve thung.
UEFA chuan Knutsen leh Santos te hi hrem an nih ngei tur thu a sawichiang tawh a. Thil thleng chhui zuina an neih hnuah an hremna an tichhuak ang.
An pahnih hian April 14 a Stadio Olimpico a second leg khelh hunah hrem an ni dawn chiang a. April 14 hian UEFA in hremna a kalpui tur a puang chiang dawn a. A chhuichianna a zirin hremna hi hei aia nasa zawk a ni thei dawn.