Internet celebrity lar fapa kum 10 miin birthday gift-ah Lamborghini dawng

Birthday te hi a speciall hle laiin, Muhammed Awal Mustapha (Mompha Junior) tan phei chuan gift a dawn ropui tak vang hian ni duhawm ber a hman ngei ang. Birthday present-ah Lamborghini Aventador a dawng nawlh mai.
Kum 10 mi lek a la nih vangin car changkang tak hi Dan-in a khalh chhuah phalsak lo mah se, passenger seat atangin hahdam leh nuamsa takin a chuang thei tho.
A pa hnen atanga gift a dawn hi inchhuanpuina tham a tling a, a pa hi Nigerian internet celebrity lar tak, Isamalia Mustapha (Mompha Senior) a ni a, Lagos Island-a khawsa mek.
Lamborghini Aventador hi India pawisa chuan cheng vaibelchhe 2.82 man a ni a, instagaram lamah phochhuah niin, a lar vet vet hle. A pa chuan, “I nui hmel hi hlim taka kan awm theih nana min nawr kaltu a ni a, kan hmangaih che. Ka fap, happy birthday le. Muhammed Aal hi kum 10 mi a ni ve ta,’ tiin caption-ah a ziak.
Mompha Junior hi tun dinhmuna Africa khawmualpuia naupang hausa bera hriat a ni a, tuna supercar a neih dan atang pawh hian a hriat thei mai awm e. An chhungkua hian car changkang tak tak chi hrang hrang an kawl hnem hle. Rolls Royce model ringawt pawh tam tak an nei a, In leh lo thahnem tak an nei bawk a, private jes pahnih nen an ngaihtuahawm loh hle
An thil neih leh ro hlu, hausakna tinreng te hi an thup ve tin ten lem lova, Instagram lamah an phochhuak chuai chuai thin a ni.

Leave a Reply

Your email address will not be published. Required fields are marked *

error: Content is protected !!