Kerala police te chuan kum 31 mi pa pakhat chu a nupui model leh actor ni bawk inawhhlum chungchangah an man.
Police sawi danin, kum 20 mi Shahana, model leh actor ni bawk hi a chenna In-ah inawkhluma hmuh a ni a, “He thil thleng hi hriattir kan nih veleh CrPC section 174 hnuaiah thubuai ziahluh nghal a ni, an ti.
Shahana chhungte’n hun enge emaw chen atang tawha an lo rinhlelhtawh Sajjad chu police te hian thu zawh fiah atan an la nghal.
Shahanna-i nu chuan media hmaah a fanu hi Sajjad-a’n a tiduhdah thei hle a, kut a thlak fo thin, a ti.
A pasal puh
An fanu thihna ah hian Sajjad hian kut a sil thei lova, a kaikuang lian berah an puh. Thil dang rinhlelh emaw chhuizawn tur an hre lova, a pasal hi an bur bun deuh tawp mai a ni.
“Modelling atanga a hlawhchhuah cheque thenkhat chungchangah an pahnih hian an tibuai niin thu kan dawn laiin, mipa zawk hian tukverah a nupui hi a inawkhlum a ti a, tunah hian chhui chianna hna thawh nghal a ni,” tiin ACP Sudharshan-a’n a sawi.