aIZAWL: Lei hipna (gr- avity) hmanga Dilkawn khua chawmna tuilakna Jal Jeevan Misson (JJM) 2020-2021 sum Rs. nuai 93.50 senga siam Dilka- wn water supply scheme leh in tina tui connection pekna tur -functional household tap connection- Rs. nuai 25.07 senna te chu nimin khan Minister of State TJ. Lalnuntluanga’n a hawng.
Dilkawn water supply scheme hi May ni 20, 2020 ah thawh tan niin, December ni 13, 2021 ah zawh a ni a. In 212-ah tui connection pek tawh a ni a. Mi pakhatin ni khatah tui litre 55 thleng hmang anga chhutin mi 1505 te kum 2050 thleng chawm zo tura duan a nih sorkar thuchhuahin a tarlang.
Nitin darkar 24 chhung tui haw thei tur leh tui litre 82,775 thl- enga haw thei tura duan a ni a. Horizontal roug- hing filtration hmanga thlitfim a nih hnuah tuizem lian litre nuai 1 dawngah chhunluh a ni a, heta tang hian tui connection chu pek chhuah a ni tih sorkar thuchhuah chuan a tarlang bawk.
Dilkawn water supply scheme Minister of State chuan tuilakna siam kawnga khawtlang mipui ten neitu rilru an put theihna tura tih tuk an ni leh mipui ten tha an thawh chu lawmawm a tih thu a sawi a. Mipuite chu neitu nihna rilru pu tlat tur leh a enkawl zui kawngah tha taka an mawhphurhnate hlen turin a chah.
Forest Minister TJ Lalnuntluanga chuan tuihna humhalh leh tihpun tinzawnin kuminah Green Mizoram Day hman tum a nih thu pawh sawiin, tuihna humhalh a tul zia mipui zirtir nan tuilakna lui kam remchangahte Green Mizoram Day hman tuma ruahmanna siam a nih thu a sawi a. PHE leh Forest department-te chu inhnimhnai leh tangtlang tlat tur an nih thu sawiin, “Mipui te nen tanghova neitu thinlung pu chunga thawh ho a ngai” a ti bawk.