Gujarat huam chhunga khaw hrang hrangah tun hnai khan van atangin thir mum (spherical metal ball) pali tla hmuh a ni a, mi thiam thenkhat chuan Chinese rocket emaw, van thengrenga thlalem kah chhuahna tuialhthei bawm keh darh emaw a nih theih thu an sawi.
Heng thir mum, a lai kuate hi a lai hawlh tlanga feet 1.5 chuang mah niin May 12 leh 13 khan Dagjipura, Khambholaj leh Rampura khua, Anand district leh Bhumel, Kheda district-ah te chhar a ni tih Anand Deputy Superintendent of Police BD Jadeja chuan a sawi.
Thir tla avanga mihring hliam leh thi an awm lo va, Anand police-in an la khawm tih a sawi.
“Kan rin danah chuan thlalem them a nih rin a ni . Indian Space Research Organisation (ISRO) leh Physical Research Laboratory, Ahmedabad nena zir chiangin eng nge a nih tak hriat tum a ni,” a ti.
United States-a mi, astronomer Jonathan McDowell chuan May 12 khan Chinese rocket Chang Zheng 3B an tih, CZ 3B tia an sawi mai thina mi a an hle thu Twitter-ah a tar lang a. Gujarat chunga a tlak hi rocket-a a luh leh dawna keh ta nia a ngaih thu a sawi.
May 12 khan McDowell-a hian, “Chang Zheng 3B serial Y86 rocket chhawng (stage) thumna, September, 2021-a ZX-9B communications satellite kap chhuaktu chu vawiin dar 0900-1200 UTC vel hian rocket-ah a lut leh a ni,” tiin a tar lang
ISRO scientist thin, BS Bhatia ve thung chuan rocket leh thlalema tuialhthei bawm a an thu a sawi a, heng bawm hi hydrazine an tih dah nana an hman thin a ni.
Tih dan thinah chuan tuialhthei bawma mi hman zawh a nih chuan rocket atang hian thlau thlak mai thin niin leiah a tla thin.
“Hydrazine dahna a ni thei a, hei hi thlalema tuialhthei hman tlanglawn tak a ni a. Hetiang hi rocket-ah pawh hman thin a ni,” tiin Bhatia chuan a sawi.