Kum 15-na denchhenin Girls’ Generation rawn letleh dawn

Kum 5 chhung an reh hnu-ah 15th Anniversary den chhenin Girls’ Generation chuan member kimin an rawn let leh dawn ta.
K-pop girl gorup lar tak ni thin Girls’ Generation hian 2017 khan ‘Holiday Night’ album an tichhuak a, an rehzui nghal. Kuminah hian band an din champha kum 15-na pualin rimawi khawvel al hneh leh an tum ang.
Member pariat awmna album thar hi August hian tlangzarh theih beisei a ni a, TV leh reality programe hrang hrangah an inlan chho dawn a ni.
Girls’ Generation te hi August 5, 2007 khan, ‘Into the New World’ single hmangin bul an rawn tan hnu-ah 2009 khan single, ‘Gee’ chuan nasa taka vawrh kang chhovin, 2000’s chhova Korean hla lar ber zingah a tel pha nghal.
Asia khawmualpuiah pawh ‘Genie’, ‘Oh!’ leh ‘Run Devil Run’ hla te chuan thawm an nei lian chhunzawm a, 2010 tir lam thleng khan Korean girl band lar ber pawl an ni pha hial a ni.
YouTube-a Asian Girl group music video-in view makta-duai 100 chuang nei hmasa ber ni turin an hla, ‘Gee’ leh ‘I Got a Boy’ hmangin record thar ropiu tak an siam a. Japanse chart, Oircon Albums Charts-ah Japanese girl group ni si lova number one album nei hmasa ber an ni bawk.
Japan rama tour an neih phei chuan hlut a hlawh rem rem hle a, entu mipui 550,000 zet an kokhawm thei a ni.

Leave a Reply

Your email address will not be published. Required fields are marked *

error: Content is protected !!