Mexico atanga US-a ruihhlo tawlhna leiverh hmu chhuak

Tijuana, Mexico atanga San Diego, United States-a kudam thleng pawh theihna ruihhlo tawlhna kawng leiverh hmuh chhuah a ni.
Leivarh hi ft 1,744 (531m)-a thui niin rel kawng, electric leh boruak chhuahka awm vek a ni.
US thuneitute chuan a hmaa cocaine tawlh ruk an lo man tawhna in hlui an hainaah he leiverh hi an hmu chhuak a ni.
Cocaine, methamphetamine leh heroin an man a. Ruihhlo tawlh kaihhnawihah mi paruk an man bawk.
US Attorney’s Office for the Southern District of California chuan leiverh hmuh chhuah hi ft61 (18m)-a thuk niin ft4ft (1m) vela zau a ni.
Prosecutor-te chuan man chhuah a nih hma, Zirtawpni khan Tijuana lam pan leh a kir leh lam lirthei eng emaw zat hmuh a nih thu an sawi.
An lo tiding a, dap an nih hnuah an ruihhlo kente hmuh a ni a, anmahni pawh man an ni.
Officer-ten kudam hi an luha an hai chuan ram lehlam atanga luhna leiverh kawngka chu chhuatah an hmu ta a ni.
Attorney pisa chuan cocain kg 799, methamphetamine kg 74 leh heroin kg 1.5 an man thu a sawi.
An mi mante hi kum 31 leh 55 inkar niin thiam loh chantir an nih chuan dam chhung lung in tang tur leh $ maktaduai khat chawi tura hrem theih an ni.
US Attorney Randy Grossman chuan, “Ruihhlo tawlhna leiverhah hian êng dang engmah a ngai lo,” a ti.
“Kan chhungkua leh kan khawtlang tichhiaa kan khawlaia dan lova ruihhlo rawn chhawpna kawng zawng zawng hi hai chhuah vek kan tum a ni,” a ti.
California-a hetiang ruihhlo tawlhna leiverh hai chhuah a nih hnuhnung ber chu kum 2020 kha a ni a. Hei hi hmuh chhuah tawh zingah chuan a la thui ber niin ft4,309 (1,313m) zet a ni a. Kum 1993 atang khan hetiang ruihhlo tawlhna kawng hi 90 vel zet hmuh chhuah a ni tawh.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427