Spanish champion Real Madrid chuan Paris St-Germain forward Kylian Mbappe in an club a zawm dawn nge a cham zel dawn tih thutlukna chu karleh chhunga hriat hman an inbeisei.
Kum 23 mi contract neihlai hi tun nipuiah zo tur a ni a, kumtir atang khan ram dang club-te nen free transfer a insawn turin inbiakna an kalpui thei tawh.
PSG hian season hnih dang chelh turin an forward contract thar ziahpui a, a ziah manah Euro maktaduai 150 pek an huam a. Hetihlai hian Spain lamah Real in Mbappe hi April thla khan thuphungin inremna an nei tawh nia sawi a ni ve thung.
Spanish football expert Guillem Balague chuan, “Real hian thuphung a inremna an neih tawh chu lehlamin an pawm tlang an la beisei a, PSG in a cham belhna tura Euro maktaduai 150 pek an tum khan Real nena an inremna hi tihdanglam kha player lamin beisei mahse Real nena inremna an neih tawh hi a la ngai.”
“Tihfel tur dang erawh a la awm nual a, a tira an inremna erawh a la danglam lo.” tiin a sawifiah.