Ukraine-in indo buai karah Eurovison Song Contest thlen tum ta!

Ukranian President Volodymir Zelensky chuan indonain an ram a tihbuai mek karah Eurovision Song Contest 2023 chu an thleng dawn, tih a sawi. Hei karhmasa tawp lama an ram aiawh fehchhuak Kalush Orchestra te’n hnehna an chan lawmpui nana a thupuan a ni.
Kalush Orchcestra te hian mipui lawm an hlawh a, Russia-in an ram a run hnu-a beidawng lova, rimawi hmanga invawrhhchhuah an tumna chu European mipuite pawhin hriatpuiin, an thiam leh theihna chu nasa taka zawka hman a nih theih nan pakhatna ni turin an nawr kal. Mipui vote an hmu tam hle a, point 631 hmu in an sang fal.
Eurovision kalphungah chuan pakhatna la tute’n a kumlehah an thleng thin a, tunah erawh indona vangin an ram dinhmun a ngaihtuahawmin, he intihsiakna hi an thleng thei chiah ang em, tih chungchangah zawhna a tam.
Amaherawhchu, Ukrainian President Volodymir Zelensky chuan social media kaltlangin naktum May thla khian an ramin a thleng ngei dawn tih a sawi.
“Kan huaisenna in khawvel mite a hneh a, kan music-in Europe a awp ta! Kumthar lam hian Ukraine-in Eurovision a thleng dawn. History-a a vawithum nan kan dingchhuak ta a, a tawpna a nih loh ngei ka ring,” a ti.
Sawi chhunzawmin, “Engtik ni ah emaw chuan Eurovision-a tel te leh khual zahawmte chu Mariuipol khawpuin a mikhual ngei ka ring tlat a.. zalen takin, muanawm takin.. a thleng dawn a ni,” a ti bawk.
“Kalush Orchestra te’n hnehna an channaa ka lawm a, an mahni vote tu zawng zawngte chungah pawh ka lawm. He kan hnehna hi kan hmelmate chungah pawh a thleng chhunzawm ngei dawn a ni. Ukraine ropui rawh se,” tiin President Zelensky hian tawp a khar.
LAWMPUIAWM
Tarlan tawh angin, Eurovison Song Contest-ah Ukraine band Kalush Orchestra chu pakhatna an ni chiang hle. Russia-in an ram a run hnu-a mipui thlawpna nasa tak lanchhuahna a ni tel bawk.
Rap-folk band hi intihsiakkna tel thei turin indona mual an ram chhuahsan lailawk thei turin special permission pek an ni a, point 631 hmuin pakhatna an ni.
Turin khawpuia an zai hnuhnung berah ngenna auchhuahpuiin, “Khawingaih takin Ukraine tanpui ang che u, Mariupol tanpui ula, tunah hian Azovstral tan dingchhuak ang che u,” an ti.
UK aiawha ding Sam Ryder chu pahnihna niin, 1998 hnu lama UK chetthat ber tum a ni.

Leave a Reply

Your email address will not be published. Required fields are marked *

error: Content is protected !!