aIZAWL: NABARD Warehousing scheme 2013-2014 atanga Rs. nuai 183.9336 senga sak Khawhai Supply Kudam leh staff quarters chu nimin khan Supply Minister K. Lalrinliana’n a hawng.
Khawhaia Kudam leh staff quarters sak hna hi Babie construction & consultancy services (BCCS), Khatla, Aizawl-in November ni 20, 2020 ah tanin, February ni 25, 2022 ah an zo niin sorkar thuchhuahin a tarlang a. Supply Kudam chu a dung ft 50, a vang ft 33 leh ft 23-a sanga sak ni a. Staff quarters chhawng hnih, a dung ft 26, a vang ft 23 a sak niin, a chung zawk chowkidar quarters tura ruahman a ni a, a hnuai zawk chu storekeeper quarters tura ruahman a ni.
Supply Minister chuan Supply department a enkawl tirhin Mizoram pumah Supply Kudam 65 sak that ngai a awm thu report a dawng tih sawiin, reiloteah kudam 10 sak phal na an hmuh thu leh sak zawh a nih tawh thu a sawi a. A thawhhnihnaah kudam 21 sakna tur an hmu leh thu leh hengte pawh hi sa zo titih tawh nia sawiin, an hawng chho mek zel niin a sawi.
Sorkar thuchhuahin a tarlan danin Khawhai supply centre hnuaiah Ration card 1219 – AAY 165 (mihring 415); PHH 740 (mihring 3585); Non NFSA 314 (mih- ring 1485) awmin, mi- hring 5485 an awm a. Thla tin buhfai quintal 356.51 (AAY qtl 57.75; PHH qtl 180.20; Non NFSA qtl 118.56) a mamawh a, PMGKAY hnuaiah thla tin buhfai quintal 200.75 (AAY qtl 20.55; PHH qtl 180.20) a mamawh bawk.
Khawhai Supply centre hnuaiah buhfai pek chhuahna Fair price shop 9 – Khawhaiah 4; Chalrang, New Chalrang, Lungtan, Riangtlei leh Vangtlangah te pakhat theuh a awm a ni.