Khuarel thleng thin hi inhmuhchhuah nan hmang ila
Fur ruahtui a tla mawlh mawlh a, chhiatna a thleng chho nasa leh tawh hle. Kan chhiatna tawh tam zawk erawh hi chu keimahni lo invenlawk theih niin a lang a, furpui hun apiang hi inhmuhchhuah nana hmang lovin, kan awmna velin harsatna a tawh loh nan hian fimkhur fo thei ila a va tha em.
Khuarel chhiatna hrang hrang hi inven harsa tak a ni a, lo invenlawk hleih theih pawh a ni lo bawk. Chutih rual erawh chuan kan insakna hmun thenkhat hi chu chhiatna zakhua a thlen hmaa endik fo hi a tul hle in a hriat a, nunphung leh harsatna nasa zawk a thlen hma hian kan harhchhuah a ngai tawh hle.
Vanduai tak tak mihring leh chhungkua chu a awm teh meuh mai. Chung mite chu an khawngaihthlak a, an lainatawm bawk. Chutiang pawh ni lo, a theih tih vanga in leh lo din ringawt, a hnu lam dawn lek lo mihring hi a awm theih dawn khawp mai a, Aizawl khawpui chhungah hian a ni zual hian a hriat thin.
Hetiang renga kan kal a nih chuan kan hnam hi hnam ropui kan ni thei lo ang a, kan hnam nun zemawi hi a bo chho telh telh ang tih a hlauhawm hle bawk. I thangharh mawlh ang u.