aIZAWL: Urban Development & Poverty Alleviation department-in Pradhan Mantri Awas Yojana (Urban)- Housing For All Mission hnuaia Beneficiary Led Construction (BLC) Vertical a Aizawl 2nd Detailed Project Report (DPR) atanga insak tanpuina dawng tur, Beneficiary te tan Sensitization programme a buatsaih a, Beneficiary 1252 an tel.
Sorkar thuchhuahin a tarlan danin Prime Minister Narendra Modi-a'n India ram zalenna champha vawi 75 den- chhenin chenna in neilo ten chenna in tha an neih ve theihna tur, ‘Housing For All by 2022’ a lo mitthla a. Hemi tihlawhtling tur hian Central sorkarin Mission ‘Pradhan Mantri Awas Yojana – Housing For All (Urban)’ a duang a. He Mission hi Mizoramah 2016 atang khan kalpui tan niin, Census Towns 23 ah te kalpui mek a ni.
Sensitization programme hi hmun thumah then niin, Vaivakawn YMA hall-ah UD&PA Director H. Lianzela hova hman niin, beneficiary 278 an tel a. Electric Veng YMA hall-ah Joint Director (Plan), UD&PA HVL Zarzoenga hovin beneficiary 704 in hun an hmang a. Bawngkawn South YMA hall-ah Deputy Director (Plan), UD&PA Andrew Lalhruaia hovin beneficiary 328 in hun an hmang bawk.
Aizawl 2nd DPR chhu- ngah beneficiary 4867 an awm a, 2698 te sensitization programme neihpui tawh niin, Sensitization programme la neih chhoh zel tura ruahman a ni.
Beneficiary ten local council hriatpuia intiamkamna an neih hnuah UD&PA Deptt. ah August ni 2 ral hmain an theh lut ang a, intiamkamna lehkha an thehluh hnu ah beneficairy te bank account-ah direct benefit transfer hmangin 1st installment Rs. 60,000/- deptt. in a thun ang a, 2nd leh 3rd installment chu central atanga fund hmuh a nih hunah pek tur a ni tih sorkar thuchhuah chuan a tarlang bawk.