Aizawl: BJP Mizoram Pradesh President Vanlalhmuaka chuan Mizoramah Mamit district leh Dampa bialte a hnufual bik chhan chu bialtu MLA-ten an ngaihthah vang tih a sawi.
West Phaileng-a Tawna Hall-ah Zone Football Association buatsaih tournament khuhhawnna inkhawmah thu sawiin Vanlalhmuaka hian Mamit district leh Dampa bial hi a bikin Mizoramah bial hnufual a ni tih a sawi a. A hnufual chhah chu bialtu MLA-ten an thil tiamte chu a taka an thlenpui leh thin loh vang niin a sawi.
Vanlalhmuaka hian Congress leh MNF MLA neih tawhten he bial hi model village leh model constituency atan siam tiam mah se, thu tiam ringawtah a tawp thin tih a sawi.
Kum 2023 MLA inthlanpuiah BJP thlan tlin a nih chuan, khum 10 awmna Primary Health Centre chu khum 30 awmna Community Health Centre-ah an siam tur thu te, Dampa bial mipui mamawh ber agriculture link road tha taka siam te, sorkar laipui hmalakna chu bial mipuite chhawr theih tura hma an lak tur thu leh, NEC DoNER leh Handloom lamah theihtawp chhuahin hma an lak tur thu bakah, ITI hluihlawn tawh chu bial mipuiten eizawnna hna an neih theih nan thar thawh leh a nih tur thu te a sawi a ni.