International Tiger Day chu nimin khan khawvel pumah hman a ni.
He ni hi kum tin July 29-ah hman thin niin sakei humhalh kawnga inzirtirna neihna ni atana duan a ni.
Union Environment Minister Prakash Javadekar chuan he ni-ah hian forest mite zahna chibai bukin ram chhunga sakeiten dam khaw chhuah lam an pan phah chhan an nih thu a sawi a. Global Tiger Day thuchah a sawiah sakei humhalh chu Prime Minister Narendra Modi-an a sawi thin, Atma Nirbharta entirna (example) tha tak a nih thu a sawi bawk.
Environment minister Javadekar chuan sakei chhiarpui (census) neih hnuhnung berah India-ah sakei 2,967 an awm thu sawiin kum 4 liam ta chhungin sakei 741 neih belh hman a nih thu a sawi.
Javadekar chuan Project Tiger chu kum 1973-ah sakei humhalhna 9 chauh nei chunga tan a nih thu leh tunah erawh chuan sakei humhalhna ram (tiger reserve) 50 a awm tawh thu a sawi bawk.