Indian Army-a Eastern Command, General officer commanding-in-Chief Lt General Anil Chauhan chuan nimin khan Assam, Nagaland leh Manipur-a sipaite inhmakhuana leh hel beihna laka an chetna hrang hrangte thlirin enpui turin a tlawh.
Lt General Chauhan hian ni thum chhungin Assam, Nagaland leh Manipur te hi a tlawh kual hlawm.
Indian Army bakah Spear Corps siam dan leh Nagaland leh Manipur-a Assam Rifles unit hrang hrang a tlawh kual bawk.
Lt General Chauhan hian April 27 khan heng hmun hrang hrang hi a tlawh tan a, nimin khan hun tawp a hmang.
Nagaland-ah bik hian hel pawl nena sorkar laipuiin inremna siam tuma inbiakna a kalpui mek, Naga Peace Talks-in a nghawng theih thilte pawh a thlir kual.
Lt General Chauhan hian Nagaland leh Manipur-ah Army bakah Spear Corps hnuaia Assam Rifles Headquarters pawh a tlawh a. Heng hmunah hian Army thuneitu sang dangten zuiin an dinhmunte an lo hrilh.
Hmarchhak state pathum a tlawhnaah hian sipaiten beihpui an thlakna hmuna dah sipaite pawh a kawm kual bawk.
Hmarchhak hmun hrang hranga sipaite hmalakna leh helho laka an chet chhuahna te, eng thil pawh thleng se che chhuak tura an inralrin dante pawh a fak.