Manipur-a National Sports University sak hna thawh mek chu Konsakhul Area Joint Action Committee-in nimina national leh state highway-a tiamchin awm lova bandh an huaihawt avangin chawlhsan lailawk a ni.
KAJAC-in bandh an huaihawt chhan hi NSU complex sakna hmun atana tribal mite ram laksak an ni tih Manipur sorkar hnena hriattir nan leh Senapati district-a Konsakhul khaw ram an hman chu dan ang taka fel taka tih a nih theih nan a ni a. NSU sak chu a puitlin hunah Manipur-in neitu nihna a chan ve an phut bawk.
Committee chuan Naga chenna ram china ram pum huap thil hna thawh (project) reng reng bandh neih chhungin chawlh an phut bawk.
“Ni tin mamawh thil, damdawi lam, kangthelhtu, chanchinbumi, power, tui leh inbiakpawhna lam buaipuitute chu bandh-ah hian ngaihhnathiam an ni,” an ti.