Tun season a England a trophy awmte inchuhna kawnga hmahruaitu pahnih ni tura ngaih Manchester City leh Liverpool ten season thar khuhhawnna inkhel an hmachhawn a. Liverpool chu a che hmasa zawkah tangin Community Shield-ah an chak.
King Power Stadium a Inrinni zana inkhelah FA Cup champion in Premier League champion lai hi 3-1 in an hneh a. Season liamta a point khat chiah a inthlau team pahnihte hi a hminga trophy inchuh mah nise an inkhel a hmuhnawm.
Team pahnihten team tha an rem a, mi tam takin ‘friendly inkhel u deuh’ tiin Community Shield inkhel hi sawi thin mahse team khauh tak an khelh tir a. City lamin striker thar Erling Haaland chu bul an tan tir.
Reds full-back Trent Alexander-Arnold chuan minute 21-naah goal a khung a. Hei hi City in sut tumin bei mahse an thei lo rei.
Minute 70-naah Haaland ni lo zawk forward thar Julian Alvarez chuan City si phurh a sut a. Mahse Liverpool tan Mohamed Salah leh striker thar Darwin Nunez ten goal an khung ta zawk a. Liverpool tantute a tawpah an au ring ta zawk.
Liverpool boss Jurgen Klopp chuan, “Kan inkhel kha a tha ka ti a, mahse City kan hmachhawn hi chuan inkhel hmuhnawm tak a ni ziah thin hrim hrim. Kan chak ziah ngai lova, mahse a hmuhnawm ngei ngei thin.”
“Kan bul tan danah ka lungawi a, substitution kan siam ten awmzia a nei vek. Kan player-ten season thar bul tan an inpeih tawh.” tiin inkhel zawhah a sawi.