DoNER Minister Jitendra Singh chuan India-in khaw chhak lama a ram thenawmte laka chak a duh chuan, “Hmarchhak state-ah sipai awm hmun tha tak tak a neih a tul,” tiin Inrinni khan a sawi.
Singh hian February 5-a tan tur, Asia Pacific Youth Exchange (APYE) sawihonaah he thu a sawi a. He hunah hian Mizoram Chief Minister Zoramthanga, Phillipines Vice President Maria Leonor Gerona Robredo te pawh an tel.
“Prime Minister Narendra Modi chuan ‘Act East’ lamah a rilru a pe tan a. Act East policy tlawhchhanin ram thenawmte nena inlaichinna chungchang ngaihtuahna a sang chho tan hle a ni,” a ti.
Singh hian hmarchhak state-te chu an ram leilung hausakna leh thlai thar nana boruak a that em avangin ASEAN market-ah pawh ram tihmasawntu an ni phak niin a sawi.
Prime Minister Narendra Modi-an Indo-Bangladesh Agreement a siam pawh a hlawhtlinzia sawi langin ramria ram inchuhna chin fel a nih tak avangin Bangladesh leh hmun dang atang pawhin man man zawka bungrua lakluh a awlsam phah niin a sawi.
“Sustainable Development Goals (SDG) chu hun lo la kal zel turah kan thlir ber a ni a. Hei hian hmasawnna hrang hrangah min pui dawn a ni,” a ti.