Ngaihzâwng neih fuh hi rilru leh taksa tan damna a nih laiin, neih fuh loh erawh chuan kawngtin renga rilru leh taksa tihhrehawmtu an nihna hi Selena Gomez hian a man fuh hle.
Bialpa hlui JB nena an inngaihzawn lai khan rilru lama tihhrehawmna a tawk nasa hle, a ti.
JB nena na inthen hlen hmâa a inkar boruak fuh leh fuh lo sawichhuahna a nei. “Ka thil tawn khan chakna min pek rualin, riru lama a tuartu nih hlauhawmzia ka hmuchhuak. Zah taka chhawnchhaih ka ni ngai lova, rilru lam mai ni lo, thil dangah pawh intihnawmnahna ka tawk,” tiin a sawi.
“Tleirawl kan ni a, hriatthiam dan kawng te pawh ka zawng ve nasa. Duhthlanna ka siamnaah hriatthiam a ngai tih ka hria. Mahse, damchhunga ka harsatna ang tawn a, sawichhuah ngai reng tur hi ka duh bik lo. Tunah chuan chak tak leh huai takin ka awm tawh, tih ka sawi ngam a, zahawm taka talchhuah dan te pawh ka thiam ta,” a ti bawk.
Gomez chuan a hla lar tak, ‘Lose You to Love Me’ chu JB nena an inthen vanga a tawrhna a nih thu a zep lo. 2011 khan an inzui tan a, March 2018-ah an inthen.
Justin Bieber hian September 2018 khan Hailey Baldwin chu ‘Tiam tlat E’ a tihpui. Selena erawh kawppui mumal tak nei lovin, hun a hmang mek.