National Investigation Agency (NIA) chuan Pathianni khan India ram state paruka hmun 13 chu ISIS nena inkungkaihna thil an chhuinaah an dap.
Madhya Pradesh, Gujarat, Bihar, Karnataka, Maharashtra leh Uttar Pradesh-ah te mi dapna hi an kalpui.
Agency hian Madhya Pradesh-ah hian Bhopal leh Raisen district-ah; Gujarat-a Bharuch, Surat, Navsari leh Ahmedabad district-ah; Bihar-a Arariya district-ah; Karnataka-a Bhatkal leh Tumkur City district-ah; Maharashtra-a Kolhapur and Nanded district-ah leh Uttar Pradesh-a Deoband district-ah te an dap a ni.
June 25 khan NIA hian UA (P) Act hnuaia section eng emaw zat hmangin thubuai an lo ziak lut tawh.
Pathiannia hmun an dapnaah hian lehkha pawimawh leh thil dang dang an man a, an chhui zui zel ang.
NIA hian Ningani zing atang khan Bihar-a hmun hrang hrangah Phulwari Sharif case an tih, kal firfiak pawl, Popular Front of India (PFI) nena inzawmna nei thil rinhlelh avangin mi an lo dap tawh bawk.
Heng hmun an dapte hi Social Democratic Party of India (SDPI) mi leh sate hmunhma a ni tlangpui.
Darkar thum chhung an dapnaah hian NIA team chuan in pum dapin an chhui zui mek.
Mi thenkhat man an awm nia sawi a ni a, venhimna pawh khauh taka kalpui a ni.
NIA hian July 22 zan khan Indian Penal Code leh Unlawful Activities (Prevention) Act behchhanin thubuai an ziak lut a ni.
PFI chungchanga firfiaka inzawmna hi Bihar police-in an hai chhuah a ni a, mi pathum manin heng mite hi India do zawnga chet tum an ni.