Ngaihdam a’n dil ngei chu a ni a, mahse a lan dan leh a sira thil lo awm ve reng hian Will Smith-a tih tak takna leh Chris Rock laka ngaihdam a dil chungchangah zawhna a titam zual a, lungsi taka pawm thei lo an tam.
Zirtawpni kalta khan Oscar 2022 sem laia tharum a hman chungchangah Will Smith hian ngaihdam dilna a nei a, mahse a bul maia tui bottle lo inhung ve reng chu hmuh hmai theih a ni lo. A fapa Jaden Smith-a enkawl ‘Just Water’ comany a ni tlat mai.
Hei hian social media a luahlum rang hle a, tun dinhmunah pawh sawi laih laih niin, thupha chawina phena thil lo inthup ru tlat nia sawi hi tam tak chuan a tih tak tak leh tak tak tak loh hrichiangtu ah ngaiin, a ngaihdam dilna hi chhungril tak atanga chhuakah an pawm thei lo.
Tarlan tawh angin, Los Angeles-a 94th Academy Awards (Oscar) neih zawh takah khan Will Smith-a’n Chris Rock na taka a beng chuan sawi zui a hlawh a, dawhsan atanga a nupui lu kalh chu fiamthu di tak deuha a kah vanga lungawi lo chuan a thutna atanga thochhuakin a han beng ta chawrh mai a ni.