India zalenna champha vawi 75-na lo thleng tur puala sorkar laipuiin a duan ‘India Zalenna Hlimawm Kutpui’ (Azadi Ka Amrit Mahotsav) lawmna hman chhungin India ram khua leh mi zawng zawngin mahni hmun theuhah zalenna hlutzia hre reng chungin hlim taka hmang theuh turin Arts & Culture Department chuan ram mipuite duhsakna a inhlan.
He zalenna ni ropui tak leh hlimawm tak lawmna pakhat atan (Har Ghar Tiranga) Hnam Puanzar (National Flag) in tinah August 13-15, 2022 chhunga zar turin sorkar laipui chuan mi a beisei a. Hnam Puanzar hi awlsam tak leh tlawm taka lei theih nan veng/khua tina ration semtu (retailer) hnenah Rs. 20/- a lei theih tura buatsaih a ni.
India zalenna hlutzia leh ropuizia tihlan nan in tinah Hnam Puanzar (National Flag) hi zar theuh turin a beisei bawk.