Aizawl: Zoram People’s Movement (ZPM) party hruaituten Zirtawpni leh Inrinni khan Aitlang leh Saiphaia ramri vengtu Mizoram sipaite an tlawh.
Ramri vengtu an tlawhnaah hian ZPM Working President K Sapdanga hian thu sawiin, sipaiten hun rei tak atang tawha ramri venhim hna an thawk chu an duty a nih rualin, ram tana hna ropui tak thawk an nih thu a sawi a. Ramri vengtute tan an phak tawkah tih theih an nei em tih te, an awmna hmun leh an khawsak dan te, Assam hmalak zel dan hmuh theih chin te an thlithlai duh avanga tlawh an nih thu a sawi.
“Kan ram dinhmunah duhthusama induat a har rih deuh a nih pawhin, inthuam that dan kawng zawn a ngai hle mai, a nih loh chuan ramri chinfel dan thuruk hman a tul lutuk tawh,” K Sapdanga’n a ti.
ZPM hruaitute hian Aitlang leh Saiphaia ramri vengtu sipaite hnenah thei tui leh tui thianghlim in tur an pe a ni.
ZPM party thuchhuahah an party hruaituten Aitlang an tlawh lai hian Assam lamin khawl pahnih hmangin kawng sial hna an thawk mek a, an sipai duty-te ration pekna tur kawng nia hriat thu an tar lang.