Brighton & Hove Albion chuan an defender Marc Cucurella lei tum Manchester City nen inbiakna an titawp.
Kum 24 mi Spain left-back hian kar hmasa khan Manchester City in an ngaihven ngawrh avangin club hnenah chhuah dilna a thehlut a. Seagulls hian an defender manah hian Pound maktaduai 50 an phut.
Man City atangin lei dilna vawikhat an hnawl tawh a, Seagulls lamin an defender Ben White an hralhna man ang zat tal a hralh an tum.
Pep Guardiola pawlte hian a man a to lutuk dawna an ngaih avangin midang an melh a. Oleksandr Zinchenko kalsan hmunruak luah tur erawh an la ngaihven chhunzawm.
Brighton lam hian tun nipuiah midfielder Yves Bissouma chu Tottenham hnena an hralh tawh avangin player hralhna atanga sum tel belh mamawh lem lovah an inngai.
Hetihlai hian Chelsea lamin thawm an rawn nei niin thu a thang mek.