Manipur sorkar chuan sava chi khat, Amur falcon (Falcon amurensis) chu veh leh thah an khap a. He sava hi an tual chhung tawng chuan akhuaipuina an ti.
Tamenglong district thuneitu chuan Inrinni khan hetiang sava veh, man, thah leh hralh khap a nih thu hi a tichhuak.
Tamenglong Deputy Commissioner-in khapna thupek a tihchhuahah hian veh, thah leh Amur falcon chenna hmun hrim hrim tihchhiat a khap tih a tar lang a. Chaw leh ei tur atan man leh thah pawh ni se khap vek a ni a, khapna thupek bawhchhia chu Wildlife Protection Act, 1972 hmanga hrem an nih tur thu a tar lang.
Amur falcon hi save pem chi niin tun lai hi an pem hun a ni a, India hmarchhak hmun dangah pawhin an pem lut tan mek a. Manipur-a Tamenglong district pawh hi an pem luh nasatna hmun a ni a, hetih mek lai hian veh leh thah hi khap a ni.
Tum khata hla tak tak thlawk thei sava hi November vel atangin India hmarchhakah an lo lut a. April-May vel atangin km 20,000 chuanga hla, Afghanistan leh East Asia lamah pem turin an thlawk chhuak leh thin.