Myanmar ram hian thil lian tham tak pahnih, COVID-19 leh sipaiten sorkar an paih thlak an tawn hnuah hna neih loh phah an pung nasa hle tih United Nations-in a sawi.
International Labour Organization (ILO)-in an chhutna an tihchhuah tharah chuan kum 2020 ai khan hna thawk mek, mipa pawh, hmeichhia pawh, mi maktaduai 1.1 zetin an tlem zawk a. Thawhtannia an tihchhuahah hian hripui leh February, 2021-a sorkar paih thlak vangin hetiang hi an dinhmun a nih phah nia tar lan a ni.
ILO chuan hna la nei mekte dinhmun pawh a chhe hle tih a sawi a. Sector pawimawh tak, garment industry-a thawkte ngei pawhin hna thawh hunbi mumal an nei lo va, an hlawh pawh a tlem niin a sawi.
Dinhmun chhe hle mah se nikum January-a ILO-in a chhutna a tihchhuah ai chuan an ziaawm leh hret tawh a, nikum kha chuan kum 2021 chhungin mui maktaduai 1.6 velin an hna an chân niin a chhut a ni.
ILO chuan hna thawk ten zat pawh Myanmay-ah hian an tlahniam niin a sawi.
ILO Myanmar Liaison Officer Donglin Li-i chuan, “Sipaiten thuneihna an chan atanga thla 18 a liamah pawh Myanmar-ah hian hna a la van chhunzawm zel a ni,” a ti.
“Hna a vâng em em a, a awm chhun pawh a thawkte dinhmun a tha lo lehzel hi ngaihtuah ngai a ni,” a ti bawk.