Parliament fur thutkhawm neih mekah Thawhtanni khan rorelna in hnih chu rorel mumal thei mang lovin lungawi lohna, thil phut leh sawiho duh tihlanna avangin an buai.
Lok Sabha thutkhawm chawhma lamah eptuten thil chi hrang hrang phuta bengchheng an siam avangin vawi hnih lai tihtawp lailawk a ni a. Congress MP palite suspend-na hlih a nih hnuah chawhnu lamah thil man sang chungchang sawiho turin an lut leh.
Parliament rorelna in hnihah, a chhung leh pawn lamah duh lohna hrang hrang lantir a ni a. Rorelna in hnih hi an tan deuh chauhvah tihtawp lailawk ve ve a ni.
Lok Sabha-ah chuan etuten Congress MP pali - Manickam Tagore, Jothimani, Ramya Haridas leh TN Prathapan te hrem an nih duh lohna an lantir a. Heng mi palite hi rorelna in chhungah thil man sang zel duh lohna lantirna placard an ken luh avanga hrem an ni.
Rajya Sabha-ah Shiv Sena MP-ten Rajya Sabha member leh an party hruaitu hlun, Sanjay Raut-a man a nih an duh lohna an lantir ve bawk a. Sena MP Priyanka Chaturvedi chu sorkar laipuiin a hnuaia thil chhuitu awmte politics thila a hman dan sawiho phuta nasa taka a au avangin suspend a ni.
Hetih lai hian pawn lamah Left party MP-te chuan Mahatma Gandhi lim bulah ni 100 inhlawhna, Mahatma Gandhi National Rural Employment Guarantee Scheme kalpui dan chungchangah lungawi lohna an lantir a. Placard an kenah chuan hlawh tihsan an phut tih an tar lang.
Lungawi lohna leh phutna lantirnaah hian eptu lam chauh an tel lo va. Bengal atanga BJP MP-te chuan Gandhi lim bulah West Bengal Chief Minister Mamata Banerjee-i chu zirtirtu lak dan dik lo tak avanga bâng tura an phutna an tilang.
Lok Sabha Speaker Om Birla chuan lungawi lohna hrang hrang lantirte chuan rorelna in zahawmna a tihniam niin a sawi a. Party tin MP-te chu kawmin rorel a tluan dan tur a sawipui a. An thukhawm leh thei chauh a ni.
Parliamentary Affairs Minister Pralhad Joshi chuan a hmain sorkar chu Lok Sabha-a Thawhtannia thil man sang sawiho tur leh Thawhlehnia Rajya Sabha-a sawiho turin a inpeih tih a sawi a. Hetih rual hian MP suspend tawkte chuan ngaihdam an dil a ngaih thu leh eptute chu rorelna ina placard keng lut turin theihna an nei lo tih a sawi.