A la rei lo. June thla liam ta mai khan Punjabi zaithiam lar Sidhu Moose Wala chu kahhlum a ni a, Bollywood actor Salman Khan leh a pa in thaha vauna an dawng nghal. Hemi hnu atang hian Salman chenna In chu venhimna khauh zawk kalpui a ni.
Heti anga vauna a dawn hnu hian Mumbai Police Commissioner Vivek Phansalkar office-ah Khan hi leng lutin, thil awmzia a sawipui a, silai license a dil. Hun eng emaw chen buaipui a nih hnu ah a inven nan tiin silai hman phalsak a ni ta.
Mumbai Police thuchhuah siamah, “Actor Salman Khan hnenah silai hman phalna license pek a ni a, hei hi a inhum him nana silai hman phalna a dil kal zela leh vau a nih hnu-a in ven nana pekchhuah a ni,” tih a awm.
Salman Khan hian Joint Commissionier of Police (Law and Order) Vishwas Nangre Patil pawh a hmu bawk.
Salman hian gangster Lawrence Bishnoi leh a hote hnen atangin thaha vauna a dawng tawh a, a lirthei pawh thlak danglam tawhin bulletproof Land Cruiser nen a inthuam tha sawt bawk.
An pafaa vauna chungchangah thil awmdan enin, inthlahdah thiangah a ngai lova, a la thutak hle. A In leh chhhevelah tunhma zawng aiin venhimna tha leh khauh zawk kalpui mek a ni.