Chelsea chuan Barcelona nen kum 25 mi Dutch midfielder Frenkie de Jong lakluhna turin inbiakna an nei a, Dutch midfielder hi tun nipuiah Manchester United nen sawizawm an ni nasa hle. (The Athletic)
Chelsea hian French defender Wesley Fofana chu kar khatah Pound 200,000 hlawhtlir an inhuam a, Leicester City nen inremna an nei thei dawn em tih hriat a ni lo thung a, Foxes hian a manah Pound maktaduai 85 an beisei. (Daily Mail)
Chelsea chuan Spain defender Cesar Azpilicueta chu Barcelona pan tir an duh lova, a tawnhriat a tam tawh avangin squad a la awm turin an duh. (Times)
Manchester United chuan RB Salzburg nen kum 19 mi Slovenian striker Benjamin Sesko lalut turin inbiakna an nei tan. (Sky Sports)
Tottenham chuan Udinese nen Italian left-back Destiny Udogie, 19, chungchangah inbiakna an nei a, Serie A club hi loan a hawhlet tir nghal an phal. (Fabrizio Romano)
Nottingham Forest chuan kum 24 mi Dutch striker Jizz Hornkamp chu lakluh an tum a, Willem II atang an lalut thei a nih chuan tun nipui a player an lakluh 13-na a ni ang. (The Athletic)
Barcelona chuan kum 31 mi Athletic Bilbao leh Spain defender Inigo Martinez chu lakluh an duh a, nakkum thleng bak contract a nei lova, Euro maktaduai 80 a leichhuah theihna a nei. (Marca)
Brazil midfielder Arthur Melo, 25, chuan Juventus chhuahsan a hnaih a, Valencia chu loan a zawm thuai tura ngaih a nih avangin Juve hian Chelsea atangin Italy midfielder Jorginho, 30, an ngaihven dawn. (90min)
Chelsea chuan Barcelona atangin striker Pierre Emerick Aubameyang chu an ngaihven a, player aiawh inbiakna an neihpui laiin club lam nen erawh indawrna a la awm lo. (Fabrizio Romano)