OTT in phone, computer leh TV a luahlum takah chuan kan nitin nuna bet tlat a ni tel ve nghal a, entertainment lam ngaina te tan chuan nitin mai hi phur surhna tur tham a tling der tawh.
Buai tak karah pawh hun remchang chuhin web series en ngei tumin kan hman hlel a, 2022 ah pawh hian Indian web series hmuhnawm leh lar tak tak a inchher chhuan mek a, crime, thriller atanga action thrillers thlengin mit a tlai hle.
A hnuaiah hian kumin 2022 a Indian web series lar leh enhlawh ber 10 tarlan niin, weekend hman nawmna chikhat atan hmang tangkai zui rawh le.
1 Rudra: The Edge Of Darkness
Bollywood superstar Ajay Devgn-a’n OTT khawvel a zuanluh vawikhatnah hian a fan te tan chawhlui tui tak a buatsaih nghal a tih theih. Psychological thriller hi kumjina web series lar ber a tih ngam. Series lar ‘Luther’ remake niin, Rashi Khanna leh Esha Deol te an inlan. Disney+Hotstar ah a en theih.
IMDb Rating: 6.7/ 10
- Ye Kaali Kaali Aankhein
Crime thriller pui takah hian tualchhung politician lar fanuin umzui a, inngaihzawn tir ngei a tumna lamah khawte tlangval pakhat hringnun inlehthawkna hi hmuhnawm rem rem tak a ni. Netflix-ah hmetchhuak rawh.
IMDb rating: 7/10
- Ashram 3
Boby Deol fan te tan hmaih a thiang lovang. ‘Baba jaane manna ki baat’ hre fuh laklawh tan phei chuan he series-a a inlan dan tur mawlh mai hian rilru a tiphawklek thei nia maw le. MX Player-ah en theih a ni ang.
IMDb rating: 7.4/10
- The Great Indian Murder
Hei pawh hi crime thriller a ni a, thinphu dep depe en ngai ve tho a ni e. Industrialist Vikcy Rai thihnaah party an huaihawtnaa tel ve te chu rinhlelh an ni ta tlat mai a, an han chhui tak tak a, thil inthup hailanin a awm zui nghal zar zar bawk nen, Prime Video-ah lut rawh le.
IMDb rating: 7.2/10
- Campus Diaries
Drama lam ngaina tan mamawh chhanna tling turah hian Excel University-a college zirlai paruk te’n an zirlaipui te nunphung leh khawsak dan pel raka an chet dan hi MX Player-ah en theih a ni.
IMDb Rating: 9/10
- Human
Kirti Kulhari leh Shefali Shad te hmahruaina ah hian medical drama dangdai tak i en thei dawn a, medical scams buai chuar, pui tak, hmuhnawm bawk si i hmu ang. Disney+Hostar lamah aw1
IMDb rating: 8/10
- Rocket Boys
India ram chanchin ngaihnawm tak hlui thei tur khawpa dingchhuak Homi Bhabha leh Vikram Sarabhai te chanchin pui tak mai en turin inbuatsaih rawh le. Sony Live-ah en ngei ngei ngai a ni tawp mai.
IMDb rating: 8.9/10
- Panchayat 2
Season hnihnaah tlangval Abhishek, engineer ni bawk hian khaw pakhat nunphung thlak danglam a tumna lamah a chetdan hmuhnawm tak hi season khatna a hit pui ang bawkin comeback pui tak a rawn siam leh ta e. Amazon Prime Video-ah aw!
IMDb rating: 8.9/10
- Mai
A fanu thihnaa lungawi thei lo, phuba la ngei tura a nu chetchhuahna leh zahngaihna chhete mah lantir lova a penchhuahna crime thriller hmuhnawm tak a ni. Netflix-ah hmehchhuah theih a ni.
IMDb rating: 8/10
- Masoom
Boman Irani-a’n OTT khawvel a dailuhnah hian nikhat chu a nupui thihna mak tak maiin a nun ram khawvel a sawi thiat ta hlawk mai a, thuruk thuhruk nei theuh an lo ni bawk nen, engtinnge hringnun an hman chhunzawm zel dawn le.. Disney+Hotstar-ah en theih a ni.
Weekend hman nuam le!