Mizo weightlifter, tuna Commonwealth Games 2022 neih mek a India tana gold medal latu Jeremy Lalrinnunga chu Thawhtanni ah a lo haw dawn a, lo hmuah dan tur Zirtawpni tlai khan an rel.
Sports & Youth Affairs Minister Robert Romawia Royte chuan Jeremy-a lo hmuah dan tur chungchang ngaihtuah turin meeting hi Sports & Youth Affairs Conference Centre-ah a ko.
Thawhtanni chawhnu dar 2-ah Jeremy-a hi Lengpui Airport-ah a lo thleng dawn a. Airport-ah hian hmuahna hun tawite hman tur niin Sports Minister in thu a sawi ang.
Ainawn Venga an chenna in panpui a ni anga, Aizawl Thunder in hma an hruai ang. An chenna inah an veng local council lamin hun an hmang ve leh ang.