AZL: Aizawl District Police Special Branch leh Bawngkawn Police Station tangkawp chuan nimin khan Thuampui Bazarah Rs. 68,000 man hu halpuah leh halmawi an man.
Police-te hian H.Lalruatkima (36), Thuampui hnen atangin halpuah leh halmawi chi hrang hrang hi an man a, thubuai siamsak nghal a ni.
Aizawl district bawrhsap chuan October 22, 2022 khan thla hnih chhung atan halpuah, halmawi leh a kaihhnawih dangte zawrh, hralh leh hal a khap a, thupek bawhchhiate chu IPC Section 188 tlawhchhana hrem theih an ni a, nimina halpuah leh a kaihhnawih an man hi kumin atana a vawi khatna a ni.