AC Milan naupang beiseiawm Francesco Camarda chu Serie A chanchin a player naupang ber a ni a, kum 15 leh ni 260 a upa niin Milan tan a inkhel.
Inrinni zanah San Siro-ah Milan in Fiorentina an mikhual a. Second half-ah Camarda hi dah luh niin kum 2021 a kum 15 leh ni 274 a upa Bologna defender Wisdom Amey record siam chu a khum.
Kum 2008 a piang Camarda hi striker Olivier Giroud hrem a nih bakah Noah Okafor a inhliam avangin squad a ko a ni a. September thla khan UEFA Youth League-ah a vawikhatna atan khelin Newcastle United lakah goal hnih a khung nghal.
Milan academy tan age group hrang hrangah vawi 89 a khelh chhungin goal 485 a khung a, ngaihven a hlawh phah hle.
La Viola lakah hian Theo Hernandez penalty hmangin 1-0 in Milan an chak.