Hun vawn dik

  • George L. Ralte, Vaivakawn

Tunlai hian sawrkar hnathawk te ah HUN VAWN DIK in zirtir tharna hriat tur a awm tan leh ta hi a lawm awm tak zet a ni.Hun vawn dik hi mitin te hian nitin a kan hun hman hrang hrang ah hian kan mamawhin thil pawimawh zing pakhat a ni awm e.Hun vawn dik in zirtirna hi chhungkua ah hmasa ber se la, hei hian Kohhran ah leh khawtlang mai bak ah sawrkar hnathawk ah te nasa takin HUN VAWN DIK ah hmasawnna leh changkanna hmel min hmuh tir ngei ang.

Hun hi Pathian min pek niin hman that fo a tul rualin mi dang te ah harsatna a thleng ve thei tho tih hi kan hriat tel erawh a tul awm e.Nu leh pa thenkhat ten thalai te min veina leh min selna thin chu HUN VAWN DIK hi kan ngai pawimawh tawk lo thin hi a ni.Thalai te hi nu leh pa te aia Kohhran leh khawtlang a in hmang nasa kum tin a pawl hrang hrang a chanvo nei ziah thin te kan ni hlawm a, heng pawl hrang hrang a kan telna ah hian a tam zawk chu Committee sang a tel pha te kan nih hlawm avangin Committee ni khua ah te a hun tak a Committee tan theih loh chang a awm thin te hi pawl hrang hrang a hruaitu (OB) leh Committee Member te in enfiah a kan in siamthat thin a ngai tak zet a ni.Kohhran rawngbawltu leh khawtlang rawngbawltu in ti si,Kohhran Committee hnuai a Committee peng hrang hrang te Committee neih thinna ah te khawtlang huap a bikin YMA Committee hnuai a Committee peng hrang hrang te Committee neih thinna ah te Kohhran pum huap leh khawtlang huap a thil tih pawimawh neihna thinna ah te a hun tak ah kan tan thei thin lo hi chu chapona tlang chhip ah thuin eng mah zah tur leh hlauh tur kan la hmu rih lo tihna a ni berin ka hria.Kan khawsak ho laih laih chhung chuan kan mamawh leh mamawh loh te hi chu a pangngai reng fo thin.Kristian te tan a kan tih tur pawimawh zing a pakhat chu in awm dan leh Krista chanchintha hi in mawi phawt a, chumi ti thei tur chuan HUN VAWN DIK hi a pawimawh hmasa ber a ni.

Mahni hnathawhna hmun hrang hrang a HUN VAWNG DIK THEI LO thin te hi a Pathian thu lo a ni.Pathian biak inkhawm tur a biakin a tan hun hma a thleng hman lo an awm fo thin te leh mahni hnathawhna hmun a tlai an awm fo thin te inthlahdah vang ni berin a lang.

Cable Tv hrang hrang ah te leh chanchinbu hrang hrang ah mi thenkhat ten HUN VAWN DIK chungchang ah tan lak thar a ngaih zia an ziah leh an sawi thinna ah te hian i tel ve em? Mahni theuh kan in chhut chian a va tul em.

Hun kan vawn dik theih lohna leh chumi atana harsatna min thlen thintu bul ber ni a an sawi thin chu CHAPO vang a ni ti thin.Mahni hna ngaih sak loh hi sual lian tak mai niin miin ama hna a ngaih pawimawh ngat chuan a hun tak ah engkim a tiin a hun tak ah engkim a dah thin a ni.

He thu hi i chhiar zawh hian a hun tak a i tih theih loh thin nachhan te han in zawtin i hun hman tawh te han thlir kir la,tun atang a hun tak a i tih tur te i tih theihna turin i rilru han siam teh le.Tichuan i harsatna chu a kiam duak mai ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427