#Zozam Times May 18: Kum 2011 Mizo Idol top 10 zing ami, Reiek Rocker tia hriatlar Roluahpuii’n Ailawng-ah pasal a nei dawn a, Ailawng Rocker nih zui zel a tum.

Reiek Rocker Roluahpuii (Rpi) pasal tur hi an khaw thenawma mi Rosangzuala (Rsa) a ni a, June ni 7, 2024 chawhnu dar 1-ah UPC (NEI) Biak In, Ailawng-ah an innei ang a, inneih tuh an tiam laiin Rpi hi Lalchhuansangi, Ailawng-in a dinpui dawn a, Lalruatfela, Ailawng-in Rsa a dinpui thung ang.

Mizo Idol star zing ami Rpi leh Rsa te hi kum hnih vel an lo inzui tawh a, khaw inthenawm an nih bawk avangin an zia pawh an inchiang dun hle niin Rpi chuan a sawi a. A pasal tur chuan zai lam pawh a tupuiin, a thlawp tha hle nia sawiin, “zaithiam tia sawi tur ni lo mahse, zai nuam ti mi, zai leh rimawi lam tuipui tak mi ve tho a ni a, hmun hrang hranga zaia hun ka hmanna ah te pawh min hruai fo thin” a ti.

A pasal turin zai lama a thlawp that avangin an inneih hnu ah pawh a tan zai lama inhman zui zel harsatna a awm a rin loh tuh Roluahpuii chuan a sawi bawk.

Leave a Reply

error: Content is protected !!