May 16, 2024 (Ningani) khân Kolasib District SP Office hnuaia Inter-State Checkgates leh Border Police Post ṭhenkhat tan CSR kaltlangin MRB Chairman, Sheryl L Vanchhong chuan an mamawhte a hlan-
Inter-State Checkgate pali – Vairengte, Bairabi, Phaisen leh Saiphai tan Generator Sets 3 kVA ṭheuh. Heng generator-te hi an OC ṭheuhten MRB Chairman kut aṭang hian an dawng a ni.
Border Police Posts pasarih – Dara Huan, Aitlang-I, Aitlang -II, HS Tuikhuah, Aitlangpui leh Chawilung Mautuizau tan an tui mamawh lakna atan Water pumps 1HP ṭheuh. Hêng tui pump khawlte hi Commandant, 1st IR Battalion, Mualvum (Kawnpui) chuan duty post-te aiawh hian a dawng bawk.
MRB Chairman chuan Police leh Defence Force-te Zoram mipuiin an thlamuanpui thu sawiin bank-te tana an service a hlutzia a sawi a, an tana thil engemaw ti theia MRB a awm chu lawmawm a tih thu a sawi. MRB chuan Mizoram chhung hmun hrang hrangah Branch 104 a neih avângin state mipui-te tan a ṭangkai êm êm a, police/force mite hmun kilkhawr ber thlenga awmte tân pawha hman ṭangkai theiha an awm thu sawiin nasa lehzual MRB (Mizo bank) chhawr ṭangkai lehzual turin a sawm bawk.